بۇگىن قر پرەمەر-ءمينيسترى باقىتجان ساعىنتاەۆ «استانا» حالىقارالىق قارجى ورتالىعىنىڭ تانىستىرىلىمىنا جانە قازاقستان ەلورداسىنىڭ 20 جىلدىعىن مەرەكەلۋگە قاتىسۋ ءۇشىن ەكى كۇندىك جۇمىس ساپارىمەن كەلگەن تاتارستان رەسپۋبليكاسىنىڭ پرەزيدەنتى رۋستام ميننيحانوۆپەن كەزدەستى, دەپ حابارلايدى primeminister.kz.
كەزدەسۋ بارىسىندا ساۋدا-ەكونوميكالىق ىنتىماقتاستىقتىڭ وزەكتى ماسەلەلەرى جانە ينۆەستيتسيالىق ءوزارا ءىس-قيمىلدى ودان ءارى كەڭەيتۋ جوسپارلارى, سونداي-اق ترانزيتتىك-كولىك سالاسىنداعى بىرلەسكەن جوبالاردى ىسكە اسىرۋ كەلەشەگى تالقىلاندى.
بۇدان وزگە, كەزدەسۋ قاتىسۋشىلارى بىلىم بەرۋ جانە ونەركاسىپ سالالارىنداعى وزارا ءىس-قيمىل باعىتتارىن قارادى. ب.ساعىنتاەۆ قازاقستانعا تاتارستاننىڭ تسيفرلىق سەرۆيستىك قىزمەتتەردى ەنگىزۋ مەن اقپاراتتىق تەحنولوگيالاردى دامىتۋداعى تاجىريبەسى قىزىعۋشىلىق تۋدىراتىنىن مالىمدەدى.
ءوز كەزەگىندە, تاتارستان پرەزيدەنتى رۋستام ميننيحانوۆ قازاقستان مەن تاتارستاننىڭ ەكونوميكانىڭ ءتۇرلى سالالارىنداعى ءتيىمدى ىنتىماقتاستىعىنىڭ ماڭىزدىلىعىن اتاپ ءوتتى.